آمل ان تنال بعض رضاكم
يا ما حﻼ يا عبيد في وقت اﻻسفار=
جر الفراش وشب ضو المناره
مع دلة تجذا على واهج النار=
ونجر ٍ ليا حرك تزايد عباره
في ربعة ماهيب تحجب عن الجار=
ﻻ من خطو الﻼش ما شب ناره
النجر دق وجاذب كل مرار=
ما لفه الملفوف من دون جاره
واخير منها ركعتين باﻻسحار=
ﻻ طاب نوم اللي حياته خساره
تلقاه في يوم يضيعن اﻻفكار=
يوم على المخلوق ما طول نهاره
قم في قصير البيت حشمة ومقدار=
لو جار فأدمح له ولو به خساره
ترى النبي وصى على الجار لو جار=
خذ الحذر ياعبيد عقب النذاره
رافق قوي الدين حفاظ اﻷسرار=
ينفعك في يوم تجي به كراره
ترى الهوا والغي هن شر اﻷشرار=
ومن داس عار الناس داسوا لعاره
جنّب ردي الكار ما فيه تعبار=
ما فيه من فعل المناعير شاره
جنب عنه خله لقصاف اﻷعمار=
واحفظ وصاتي يارفيع المناره
واسلم ودم بالخير ياطير غيمار=
وصلو على المختار ما غار غاره
تركي ابن حميد
