مالك عليه حكم (سعد علوش)

مالك عليه حكم ما دام خنتي
خلاص من كل الظمير انتهيتي
يوم اختفيتي قدم الاعيان بنتي
ليتك ورى ذاك الستار اختفيتي
لانتي ولا عشره من اشكالك انتي
يقدر يكدر خاطري لو بكيتي
يللي بتوزيع الغرام انفتنتي
انا اشهد انك بالمحبه غديتي
لو تنشدين اهل النظر كيف كنتي

قالو لك انك بالظياع ابتديتي
انتي مع النهج الغريب اقترنتي
بالمنهج المجهول ماهو كويتي
ما جتلك الدنيا على ما ظننتي
جارت بك ايام الهوا وانتحيتي
في بيت تدمير المشاعر سكنتي
بالمنزل اللي فيه رحتي وجيتي
ياساذجه في كل شي انتئنتي
وانتي على كسر الخواطر رظيتي
طاف القطار وفرصتك ما مكنتي
وش عاد لو في كل مجلس هديتي
وانا اتفرج من عقب ما انغبنتي
واقول في ذاك البحر وش لقيتي
من بعد منتي بالمعالي طمنتي
ليتك على الوظع القديم التويتي
واليوم في قاع المحيط اندفنتي
ما اسمعك لو صحتي سنه واعتزيتي
لو قلتي اذكر حبنا ما استعنتي
اقول انا ناسي مثل ما نسيتي
والله لو من كثر نوحك جننتي
اني فلا اسقيك المطر لو ضميتي

سعد علوش
والشدة والتحرر من الحكم

جميلٌ النقل هنا
ذائقة رائعة عبد الرحمن بارك الله فيك ..

لا حرمنا طرحك بالأدبي يا نبيل ..


:h34:

اقتباس:

---

المشاركة الأصلية كتبت بواسطة ميدوزة الأورليا

سعد علوش
والشدة والتحرر من الحكم

جميلٌ النقل هنا
ذائقة رائعة عبد الرحمن بارك الله فيك ..

لا حرمنا طرحك بالأدبي يا نبيل ..


:h34:

---

الجميل مرورك على المتصفح ميدوزة
لاعدمناك

تقديري

,,,

يعطيك العافيه اخي عبدالرحمن
الاجمل من ذائقتك هو المجنون سعد
لك تقديري ياانيق http://www.shqawah.com/vb/images/smilies/ssd.png