أشرفت أنا من فوق عالي المراقيب
أنادي حبيبي وين بعالي الصـــــوت
حبه كواني تقول كي المشاهيــــــب
أشكي همومي للترف والقلب مخبـــوت
أبو ثنايا وضاح مابه عذاريـــــــــب
من ناظرت عيناه من الناس مبخـــوت
موصوف من بين العماهيج بالطيب
رمح الرديني عشقة الروح يا نــــوت
الروح ياخوي لروحه مراغيـــــــب
ترى العمر ساير بحبه لما يفــــوت
وتقول مثل الريم في روض عشي
و الريق أشهى من عسل خالطه تـوت
مثل الوليعي مع اظبيته معاذيــــــب
مثلي ولا شاف الرويلي مع القــــوت
وضحا وابن عدوان ذاقو اللواهيــب
ترى العقل مني غدا وصار مشتـــوت
اداعب حبيب الروح حلو الاهاديـب
من خوف كشف السد دعا علي بالموت
ما عاش من بكى العيون المجاذيــب
لا عاش من خلاك بالخوف ونهـــوت
ربي جزاك الخير يا معشي الذيـــب
يا معــاهدا بالله السد بعد مكبـــــوت
ياصاحب الوفا وراعي المواجيــــب
حفظ العهود بالنفس دوم منحــــــوت
