انزعي اللافته
ليه قولي علامك لامتى ساكته
تحترين الليالي ياعساها تزين
الاماني كثيره وخافقي غايته
اني اشوفك بربك ساليه تضحكين
شقي ثوب اليالي باالعناء حاكته
حاولي عن همومك دايما تلتهين
لاتقولين قلبي قسوته صابته
كلنا حس عايش بين قسوه ولين
كلهم عنك قالوا بحزنها سابته
وادري إنك عنيده والحزن تقدرين
لاتقولين كلي صدمته عاقته
دام طهر البرائه في شفاتك يبين
لاتقولين دمي دنيته راقته
ومن ظروف الليالي برجهاني حزين
سولفي بأي حاجه داخلك كابته
وعبري دام انك قادره تشرحين
كل واحد وعنده فوقها طاقته
بس حكمه من الله باالشدايد عوين
وكلنا الكل منا إلا وانتابته
لحظة في حياته عاف فيها سنين
بس ماعاش مثلك إنارته خافته
تحضنين الزوايا والألم والأنين
ولاكتب مثل كتبك وعلق اللافته
لاولا القلب يعشق وراسمه دمعتين
كل منا العزيمه والرضا باقته
والصبر صار كاسن ضمها وردتين
كوني وردة موده باالوفاء نابته
في خفوقن سلبتي لبه بنظرتين
ارجعي مثل اول فاتنه حاسته
كل محفل تزوره مابقابه رزين
مبيحت كل سدن شافها هابته
ملهمت كل شاعر محيرة كل عين
ارجعي مثل اول وانزعي اللافته
واوعدك دام احبك تأخذي ماتبين
النواوي_ ابوشذا
