مرثية حبيب للشاعرة حكاية أرق

مرثية حبيب للشاعرة حكاية أرق في ( خالد الرشيدي ) أداء (أحمد الرشيدي )

مرثية خالد الرشيدي
كلمات الشاعرة / حكاية أرق
أداء المنشد / أحمد الرشيدي
تصميمي ...............رسيل




جمعتهم الصدف وفرقهم الموت
الاهداء الى روحه الطاهرة
أحببتك ياخالد في الله وسابقى
كما عهدتني اسال الله ان يجمعني
بك في جنات الخلد زوجا لي
وحليلا وحلالا واهلا




ما يغيث الدمع أو بدع الجزايل
خصّ لامنّ احتياجه يعتريني

راح منهو يسوى بعيوني قبايل
وش عزاي الاّ دعاي ودمع عيني

كفنّو جسمه بقبرن وسط حايل
مادرو وان غاب ساكن في كنيني

عالت ظروفه علينا وألف حايل
وكان حلمي قبلها (يمسك يديني)

مابقى غير الصور فيها اخايل
وذكرياتن مع وصايا تحتريني

والمواقف والمصايب والرسايل
وغيرتي منهن عليه بكل حيني

يوم كنت البايعه لارض وحمايل
باع ربعه يوم وعده يشتريني

جاو بالحيله وفي شتى الوسايل
ورغم ما سوو على شاني يجيني

وين ابلقى له من اشباه ومثايل
يجبر الله لي مصابي في ضنيني

من بعد عينه ارى كل شي مايل
عظم الله اجري فباقي سنيني

ياعرب والشك في هالحب زايل
مات ابيه وعارفين انه يبيني

مات اصلا خاطره ماكان شايل
غير حاجه حبها بينه وبيني

والله ان يبطي وهو بالصدر صايل
وجايلن في خاطري من قبل عيني

ماني محتاجه على صدقي دلايل
اسئل الله همّ فقده مايغزيني

وماعلي من هرج عاذل قول قايل
هوموصيكم وهالله هالله فيني

لو يفيد الدمع او بدع الجزايل
ماشكيت الضيم من صالي حنيني


تدري وش سرّ الحكاية نت باقي حيّ فيني / كل شي ّ وله نهاية بفقدك باقي سنيني / ماني محتاجة وصاية ساكن بقلبي وعيني



أترككم مع القصيدة

http://‬http://www.youtube.com/watch..._embedded#t=0s

كلمات مؤثره وأداء أكثر من رائع ..
سلمت أناملك على حسن الإختيار ..