جبين اليل بغيابك تقول اتهاوت انجومه
وفضاه المظلم الموحش على بعدك يواسيني
اعانق شوقي الهايم ابرقا عالي ارجومه
واحس بصمتك الدافي عزف صوتك يناديني
احط ايدي على روحي تثورالروح محمومه
ويرجف موعد القياء ترى ممكن يداويني
تراودني خيالات الغرام العذب وحلومه
واقوم اتصورك فجئه تجي بلحظه تلاقيني
ابيت اعطر شعوري بريح انفاس ديمومه
بها هب النسيم اللي يذعذع في شراييني
وقامت لهفتي تشكي مدى وش كثر محرومه
يكفكف دمعتي كفك وحضن البعد حاويني
أقبل وجنة اطيافك ياصورة عشق مرسومه
على صدر الفراق اللي مسح آخر عناويني
النواوي ابوشذا
