المجتمع صاير حلاله / حرامه !
و حنا نقول اَنه مثالي و مرموق
نحرص على أسباب الزعل و الملامه
و نقول كيف نفارق الضيق و نروق ؟
صرنا نفكر في ( الغطا و اللثامه )
و نكشخ و نقضي يومنا لفّ ف السوق
نتبع مفاتن .. قبل نتبع ( شهامه )
.گنّّ الجسد شهوه مَ هو دم و عروق !
الشخص فينا گل ل همّه .. غرامه
گأنه عشان الحب و العشق مخلوق !
نحكي بذوق مع العرب و ابتسامه
لكن مع اهلنا و لا نعرف الذوق
ننسى إن كل إنسان فكره : مقامه
.ۈ نصنّف أهل المجتمع تحت او فوق
صار الرجل حلمه و جلّ اهتمامه
يصبح غني لو كان من مال مسروق
نشرح سبل عيش الحياة بكرامه
و حنا الأوادم عندنا أرخص من النوق !
قليل .. من فكر بيوم القيامه : (
.تفكيرنا كله في الاحساس و الشوق
نبغى حقوق إنسان لو هي علامه
و حنا مَ نعطي ( ربّنا ) أيّه حقوق
نحكي عن الدين و عن الاستقامه
و بيوتنا اغلبها ( خيانات ) و عقوق
كل يبي يملي علينا كلامه
گن الأوادم عايشه وسط صندوق
وشلون يفرض مجتمع احترامه
و أكبر طموحاته ( متى الحرمه تسوق )
__________________
