ودعت عام واتهيا لقا عام
عشرين عام وغاية القلب شوفك
عديتها ساعات وشهور وايام
وانا اطارد في خيالي طيوفك
قلبن يحبك عن هوا غيركم صام
ويقول باكر عل تسمح ظروفك
يامن سكنتيني احاسيس والهام
وانا زرعت الحب في قلب جوفك
إلي متى والوعد يابنت قدام
إلي متى وانا اتحرى نكوفك
عشرين عام اتغيرو حت حكام
واتغيرت اوطان وانتي عزوفك
عن اللقا لازال عازم ولزام
مدري غلا وإلا تبيني اعوفك
والله واللي بكل الاسرار علام
لا زلت استشعر مصافح كفوفك
ليلة وداعك يابعد كل الأريام
واشم عطرك حين ضمي كتوفك
وقولتك يحي لا يغيرك لوام
وإلا اتخلا عن معانق هنوفك
تبقا حبيبي ماجرت فيني انسام
واعاهدك بالله ابقا خشوفك
وإلا فغيرك حرمه الله حرام
وإن طول اغيابي فلا ابد اشوفك
رحتي وكان الجرح ووعود الأوهام
واستكثرت عشرين عمري حروفك
