ياعبيدِ لاتطري العناقيدِ تعديد=دمعي توارى باالمحاجر بقبره
لاتطري حبن ضاقِ به واسع البيد=الدمعِ في عيني ترى ملِّ صبره
جنَّى الجنى ياعبيدِ في أول العيد=ولالي على قلبه محبه وقدره
هذي عيونه كم تعشت بصنديد=راحت بطولاته ولا ذاقِ نصره
عوَّّد بلا غزوه لربعه ولا صيد=عوَّد حزينن يشتكي نار صدره
هذي مزايا من تربى على الغيد=كلِّن يبي يرضيه كلِّن بأمره
جورَ الهوى حصَّادِ شهده تناكيد=شبابِ بضلوعي على ضوِّ قمره
كم ونتن تشغل حناياي ترديد=من طعنتن فيني ودأوِّر لعذره
بعض المحبه تحكمَ القلب باالقيد =وتسوق راعيها على نارِ حسره
وتزيد نيراني بلوعات تهديد=وأكتب له أبياتن وبادر بهجره
والهجرِ كذبه ماعلى الصبر تمديد=لاهو بشفِّي يوم اهجره وأحقره
كلِّن يعبِّر على معكوس مايريد=لاصار محبوبه بعيدن بقصره
لا له على البنكينِ صفقاتِ ورصيد=والغوصِ غوَّاصن وراسب ببحره
راحت حياتي كلِّ أبوها تناهيد = في ملعبي واحد ولاني بخبره
ياليتني يارفقتي كا المراويد=ممشاي لجفونه وأدوِّر لعبره
