نوم العوافي حبيبي يابعد عيني**يالله عساني من حلومك وروادك

نوم العوافي حبيبي يابعد عيني ,,, يالله عساني من حلومك وروادك
مساء الخير والاحساس والطيبه

هذي قصيده عجبتني وعســاها تعجبكم

مـدري وش اقـول لكـن لا تخلينـي

وانا اتقهوى حروف الياس في اقنـادك

الله يخلـيـك وانــا الله يقـويـنـي

علـى همـومٍ لفتنـي سبـة ابعـادك

إن جيت اعزيك مـدري مـن يعزينـي

اجاهد الوقت لكن مـت فـي جهـادك

لو يكتب الحب يكتـب لـك عناوينـي

ولو يشكي الشوق يشكي لك من اعنادك

هذي سواتـك تعـزر بـي وتشقينـي

كنك مخـرب وقلبـي صـار بغـدادك

مابين قلـب العنـا واهمـوم تكوينـي

اقزر الليل وانت تهيـم فـي ارقـادك

نوم العوافـي حبيبـي يابعـد عينـي

يالله عسانـي مـن حلـومـك وروادك

ارقد وخـل العنـا واليـاس يطوينـي

وش لك بمرجوج حبك بـس مافـادك؟

تحياتي للجميع