دمع الحيايا عرق وسموم=يا صاحبَ البيتِ يامدلَّل
والقبِ كلَّه عنى وسهوم=والحبِّ ما بيننا تحلَّل
حذراكِ من سوقهم لاتسوم=حتى بشجرهم لاتظلَّل
من صحبتن لانواها البوم=رمشك بدمعك بيتبلَّل
شبه الصقر لادرج باالحوم=حومه على بيضِ ومخلَّل
ويعشي ربعه شجن وهموم=من بعدِ ماجيبه يتفلَّل
حسره على صارمن مكسوم=كسره منَ القلبِ يتسلَّل
سوَّا عليَّه سواةَ الزوم=صوَّب عليَّه ولا علَّل
يهنى بجنبه عصاةَ القوم=يمشي عمى عينِ ومضلَّل
رجلن مقامه عنى لهدوم=وجهي بفرقاهِ يتهلَّل
خذها نصيحه ولابه لوم=دوِّر على غيره واتعلَّل
بعض الخلايق ترى محروم=ماله مراجل ويتذلَّل
صارت نجومه تطيحِ تقوم=زادَ القراده ولا قلَّل
نجمَ الثريا عليهِ رسوم=وسهيل باالبدرِ يتجلَّل
