مااندمل جرحك ياجده وانفتق جرح الشمال
,,,,,, الكوارث في بلدنا من يسار ومن يمين
الله اكبر يابلادي قدك المياس مال
,,,,,,لين طحتي في يدين اهل النصاب المفترين
شوفي حالك يابلادي كيف كان وكيف آل
,,,, والسبب تنصيب منهم بالمكاسب طامعين
اندثر وجه التعفف وانجرح وجه الجمال
,,,, من حدود اتبوك لأخر حد احنا ساكنين
الله اكبر يابلادي من خيانات الرجال
,,,, والله اكبر دام طهرك في يدين الفاسدين
ناس فيها المرؤه استحالت واستحال
,,,,, عيشهم ضمن الجنود الوافيين المخلصين
كم يقيموا لجل هتكك من مراسم احتفال
,,,,, وكم لجل تشويه قدك بالمحافل ملتقين
ماهو منك ومن عيالك كل من ميل عقال
,,,,, يوم صارت فوق روس اللي علينا داخلين
صار طرش البحر عزوه وصارله قوم وآل
,,,, واعتلوا اهم المناصب في رقيك ماسكين
كم لدودن من قراحك صار يشرب له زلال
,,,, وكم حسودن بات يجمع حوله شلة حاقدين
لين حتى في الشوارع بان وجه الاعتلال
,,,, كلابك اللي دنسوك بكل شبرن حافرين
والعذر طفرة حضاره وذي مراحل انتقال
,,,,, والحقيقه نهب واضح بين نصابن وبين
من غدت بيده اوامر فوق حد الامتثال
,,,,,, باع فرضه باع عرضه باع ارض الحرمين
الله اكبر يابلادي الرقي آمسى نكاااال
,,, وصرنا نمشي فوق ارضك من رقيك خايفين
