عطني غلاتك تمتع بي ومتعني
الروح بيدك على كيفك تمتعها
لاجيت احكي اشوفك ماتقاطعني
شارك سواليف مجنوك وقاطعها
مافيه شى بس ان قلت اقنعني
واوعدك ذاتك بكل هدوء اقنعها
اسمع سواليف قلبي لك وسمعني
نفس تحبك بااحبك منك سمعها
اطمع بقربي وفي قربتك طمعني
وانا اتسرق غلاتك يا اتطمعها
نوع بحسك وجودي ثم نوعني
حتى الاماكن تبي منك تنوعها
طوعها نفسك على قربي وطوعني
واذنك لعاذل هوانا لا تطوعها
يا انك ترجع سروري ياترجعني
يا اني اعاند سنيني بك وارجعها
لاتقول انك بثقلك ذا تسنعني
ترى الخطاوي تقدي اللي يسنعها
اسمع حبيبي ترى مابي تجرعني
هموم صدك على هموم اتجرعها
ياتضيع فيني وإلا لا تضيعني
وصدفة لقانا حرام انك تضيعها
شع بغلاتك شروق وثم شعشعني
وعين تحبك بشوفك دوم شبعها
ودي اتربع على كلك وربعني
باللي بروحك وترتح له يروبعها
ارجوك تكفا بقربك لا تتعبني
طالع عيوني تناظرلك وتابعها
اتصدق احيان احس انك توزعني
نفسك ضعيفه بحبي ضعف وازعها
لاصار قصدك بثقلك ذا تخضعني
لغير ربي اموت الراس رافعها
قبل المغادر وقبل انك تودعني
عود على شفاة مشتاقك وودعها
