اقتباس:
المشاركة الأصلية كتبت بواسطة النواوي
تعالي أبي اقولك كلام وحكاوي
عندي قصص من عهد نبينا سليمان
قديم لكن لأسود الكحل هاوي
إذا ارتسم مابين اهداب واجفان
شاعر ويتبعني مولع وغاوي
ألعب مع الأنسي وأسمر مع الجان
لكن عيونك شفت فيها بلاوي
متاهات واسرار واحاسيس واشجان
حتى حدتني بكل رجمٍ اخاوي
طيور ربي بين وكري وشيهان
خلتني مثل الذيب لي صوت عاوي
تطرب له أذهانٍ وتذهل به أذهان
منك احترق كلي كما عود جاوي
وفيك اجتمع هاجس غرامي بشيطان
ريشة ولع بيدين رسام قاوي
تصوير عشقه كيف ماشاء اوكان
بأسم المحبه فيك عايش خلاوي
وبأسمك غدالي مع هل الشعر ديوان
أعيش بك عيشة زبون القهاوي
لاغبتي اتهجول وسط كل ميدان
وتجرحني لين الموت لكن تداوي
كل الجروح بقولة اهواك يافلان
افعمتني صد وعناد وقساوي
وافحمتني لاجيت اهديك وجدان
شفتي إشكثر عندي كلام ودعاوي
نبتة وفاء تثمر صدودٍ وهجران
كل ذا وتسأل ليه صار النواوي
توقيع من حبك بعد كل عنوان
أبوشذى
صدقني عجزت أن أعبر عن مدى سروري بحرفك هنا
فقط أقول وأقول وأقول
أنت شاعـر بكل ماتحمله هذه الكلمه من معاني
إحترامي وحبي وتقديري لشخصك أولاً ومن
ثم لحرفك هذا أيها الرائــع ..
