السلام عليكم ورحمة الله وبركاته
هذه قصيدة لأحد شعراء المنتدى مع أنها متأخره لكن إنشاء الله يتقبلها
قدرك عزيزن يابعيدَ العذاريب=والعذرِ لو زاغت عيوني وشابت
شهبَ الليالي والقدر في حشى الغيب=يقذف عليها بااللهب لينِ ذابت
ولا لي عصى من غير درع الغواريب=اللي تراكت للفتن لين تابت
شرسِ الفعايل ساكنينَ الشناخيب=أقللهم اللي شفِّ دمعي وطابت
وحْنا نجازي طيبهم باالمواجيب=وزالت ظنونَ الشرِّ فيني وخابت
ولاهو قصورن فيك لامن عوى الذيب=والشمس في تالي الأراضينِ غابت
أهلن هلا نابت من الراسِ باالشيب=ترحيبتن تكسي عداكم وصابت
ياهل الغلا مدهالكم باالمراقيب=نابت غلاكم باالحشى زرعِ ثابت
وعتابكم من دونِ شكِّن ولا ريب=ثلجن على قلبي وناري تخابت
