رد على قصيدة مشعل العصيمي(كنده)

كنده يابو طُرْفه ملوكن ميامين=أهل الوغى وأهل العلومَ السفيره
وأفعالهم تدرس مثل حرب حطين=تاريخْ ممدودن على حسن سيره
في بيعهم تَجْره ونشرن بها الدين=حتى رقوا باالدين صينن شهيره
شوفوا صلاح الدين موتَ المعادين=للدين فزعه في الليالي المغيره
شوفوا عزومه؟ كيف حرّر فلسطين=الحرِّ لا حلّق بعيدن مطيره
وقرِّب تعال أعطيك درسن بحرفين=عن ماضيّ الأزمانِ وأسمع صفيره
إملوكنا في العهدِ نعمَ المحامين=ماينقضون العهدِ كذبن وحيره
لعْطوا جماله ماتْبعوها سكاكين=واعقولهم للقول تلقى بصيره
وازنودهم للضيفِ ترتاحِ وتلين=تلقى الذبايح مثْلِ رسّ الشكيره
زبن الدخايل لاجفى الوقتِ مسكين=وإزنودهم للشرِّ تكسر صريره
شيّالة المعروفِ من أمسِ للحين=وحْنا على المنهاجِ نهوى المسيره
شفني من الغبنه مقطَّع شرايين=وأبعد لساني عن قرومن كثيره
وأبعد لساني عن قبايل لها دين=وأرفع علومي عن ضحال المكيره
ولاّ على المنهاج تلقى المجانين=الحبرِ كامل والذخاير وفيره

شاعر ولك نكهة خاصة وعسى الله يوفقك دين ودنيا


فارس

بارك الله فيك اخي وجزاك الله خير




ودي

هلابك أخي فارس ونكهة قصيدي بمرورك به

هلابك أخي خالد وشاكر مرورك العزيز