كم قلت لك الله يهديك مالك ومال السربعه
لاصرت انا وانتي ابيك يابنت اهدى من السكون
يابنت واحد في اربعه هو عاد واحد في اربعه
خليها تمضي بي سنه وانا اطالع ذي العيون
اقراء اطالع صمتها استلهمه واسترجعه
احلا غرام في ذمتي اللي من الناظر يكون
ألقاء بها إحساس الغلا لهفته شوقه تدفعه
ما اقول يابنت أسكتي اقول في عيونك جنون
بحرك خذاني ساحله بدون زورق واشرعه
أبحرت في ساحل هواك ابي أكون اولا اكون
وكني سنين في يدك تمر لحظه مسرعه
مابين رمشك والهدب والموق وأطراف الجفون
شي يخلي رحلتي إبدون زاد وأمتعه
في عالمك شفت القلوب عيون عاشق ماتخون
وحتى الوجيه في نظرتك بدون زيف وأقنعه
ولطف المشاعر والغلا كل على الثاني يمون
تكفين مشتاق الوفاء نظرتك كله تشبعه
يابنت مااحبك وبس إنتي لي الصدر الحنون
يأم الغلا طفل الوله محتاج نظره ترضعه
يصرخ حنانه نظرتك يشكي بك اصناف المنون
حبه خذاه في نظرتك ولاعاد حتى رجعه
كم قلت لك الله يهديك يااعز واغلا من تمون
ابي أهيم بنظرتك وأجمع بهااللي اجمعه
واناأتوسدساعدك ومتمسك بذيك المتون
يابنت شوفي داخلي تجاهلك كم صدعه
إلين مكنوني بداينشاف لاللي ينظرون
كل شي يصير بها الحياه وشي اكيداتوقعه
إلاأعيش إلى الأبدأشتاق اناذبح العيون
