في البداية احب اوضح انا لست مع او ضد ما جاء في نص الموضوع ولكن اورده لأعجابي بالأسلوب الذي كتب به والذي يدخل ضمن اطار الكوميديا السوداء .
هذه اسئله وجهها الشايب للرجال الي جاي يخطب بنته..........
نزل أحدهم على الشايب ضيفاً يريد الزواج من ابنته فقال له الشايب:-
أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟
الضيف / تفضل .
الشايب / وش الشيء اللي يضرك إذا أرتفع وإذا أنخفض ؟
الضيف / هذا الله يجيرني وإياك والعروس ... مرض السكر والضغط .
الشايب / ما لك لوا ... هذا سعر البترول .
طـيـب ... من هو اللي يصلي النافلة ويترك الفرض ؟
الضيف / المجنون .
الشايب / صدقت ... هذي الموظفة اللي تخدم الناس وتضيع زوجها وأولادها وبيتها ؟
الشايب / وشو الشيء اللي تسمع به ولا تشوفه ؟
الضيف / هذول الجن والعفاريت , الله يحمينا وإياك والعروس .
الشايب / قرّبت ... هذي الميزانية اللي يأكلونها الجن والعفاريت .
الشايب / من هو الملك اللي نزل من عرشه وضيع شعبه وأشتغل سوّاق ؟
الضيف / هذا سؤال صعب .
الشايب / أبداً هذا بسيط للي يعرف الواقع ... هذي الحرمة اللي تشرد من بيتها وتطالب بسواقة السيارات .
الشايب / وش الدولة اللي فيها رئيسين ؟
الضيف / ما فيه يا خوي حتى الملعب وهو ملعب ما فيه إلا حكم واحد وعنده مساعدين
الشايب / شفت إنك ما أنت داري بشي ... هذي بيوت اللي ينادون بمساواة المرأة بالرجل.
الشايب / وش الوردة اللي ما تستخدمها إلا إذا ذبلت ؟
الضيف / أصلاً إذا ذبلت , ما عاد يصير لها قيمة !
الشايب / صحيح ... هذول بنات هالأيام , البنت ما تتزوج فيهن إلا بعد ما تكبر ويروح شبابها وهي تطرد ورى هالسراب اللي يسمونه المستقبل؟
قال الشايب للرجال الله يستر عليك ماااااتصلح.........
لانك ماعندك المام بالواقع ولا حتى ثقاااافه؟؟؟
م ن ق و ل
