ضمنــي وإكسر ظلوعي ( آخر إبداعات زيـد رومااا)

مدرسة شعرية حديثة
حاول الكثير من شعراء اليوم اللحاق بركبه ولم يفلحوا
يكتب كلماته بكل بساطة لتاتي ممتنعة
يُلبسك فساتين الفرح عندما يبداء بكتابة او مقطع من قصيدته
ويزفك إلى القمر عندما ينتهي من كتابة آخر مقطع
اول مشاركاتي هنا كانت هذه القصيدة للمبدع زيد روما \ عبدالكريم المهنا

ضمني ... إكسر ظلوعي
ظلع...ظلع ...!!
ياحلو كسر الظلوع ... وضمها ...!!
طاح منديلك ...
وباقي بك دموع ... ياحلو دموع البنات ... ودمها...!!
لا تسافر بي ...
انا دروبي طوال ...
والهوى أعرف دروبة ...
والجفى ... غير الوفاء ...
والشتاء برده غرام ...
والجفى دربه حرام ...!!
والبنية لو تموووووت من الهيام ما تقول إني " أحب ...!! "
سالفتها بصدرها تنبت ورود ...
بس مايقوى يجاوب فمها ...!!
ياعذاب اهل الهوى ...
ضمني موووت ... وحياة ...!!
عطني انفاسك عطر ...
وتمتم بحرفين شوق ...
وأنت ذوقك بالهوى من جد ذوق ...
ودي أشرب ... الظمأ يجرح لهاتي ...
وسال دمي من شفاتي ...!!
يا غناتي ... مابقى بالكاس صبر
ولا بقى بالقلب ما يقوى عليه
لمني ...
شمني ...
إنتفض مثلي وله ...
خل احس إن الهوى يحفر عروقك
خل اذوق الموت في لحظة اذوقك ...!!
حرك شفاهك شوي ... خلني اكتب قصيدة ...
قل كلامك ...
وإن قضى حكيك أبي تكفى تعيده ...!!
ما املك
خلني اضحك على همومي دقيقة ...
للهوى لذة ... ما عرفها غير من ذاق الجفى ...
والهوى كنت احسبه كذبة بنات ...
لعن ابوه اثره حقيقة...؟!!
يابعد كل الوصل
ودي لعيوني تصيح ... ودمعة عيونك تطيح
صح فديتك ...!!
خلها تمشي على خدك لين تنبت فيه وردة ...!!
ودي افرح في دموعك ...
ودي تتنهت وتتحرك ظلوعك ...!!
انا ماصدقت اشوفك ...!!
ياحلو ساعة رجوعك
ودي امسح دمعتك لحظة تطيح ...
ياحلو دموع البنات ... طاهرة مثل المطر ...!!
مابقى فيني دموع
ومابقى فيني صبر
والسهر مل ... وتأفف ... وانكسر
والغلا وربي جمر
وانت لو تدري بغلاك ... وربي ما ترقد شهر ...!!
وخل اقول لك شيء...!!
يمكن إنه عند غيري شي عادي ... بس في قلبي كبير ...!!
ويمكن إنه عند غيري بس كذبة ... بس انا عندي حقيقة
تدري وشهو ...؟!
وربي اللي كوّن الكون الكبير إن غلاك اكبر شوي ...
وإنك بـ قلبي شمال...
وانك بـ عقلي خيال...
وانك بـ دمي دلال ...
وإنك بـ نبضة وريدي كل شي...!!
وإنك حروفي بـ قصيدي ...
وإنك الضحكة بـ عيدي ...!!
وإنك أغلى من الهواء اللي وسط صدري
وإنك أحلى من سنيني ...
وإنك أقرب من شراييني لقلبي
وإنك إحساسي وشعوري ...
وإنك الناس بـ عيوني
وإن سواليفك مطر
وإن عرق كفك عطر ...
وإني اقهر فيك شمس الصبح
واغيض القمر ...!!
وإني أغليك أكثر من غلا أُمك وأبوك
وإني أطرب يوم اشوفك ... وأنتشي لعينك
وإني أشهق مادريت يوم اشوفك يابعد قلبي تمر ...!!
هذا عشقي لك فديتك ...
هذا موتي ...
هذي حكاياتي قبل نومي
والهوى وربي جمر ...!!
ربي يرضى لي عليك ...!!
وربي تهبل بلد ...!!
يااااااااااااه على ملحك ... وضحكاتك ... وإذا تزعل
والله ما مثلك احد ...
بسم الله عليك ...!!

( ل عبدالكريم المهنا _ زيــد روما _)

منقوووووووووووووووووووول

سلامة ضلوعك من الكسور

يعطيك العافيه نقلك ذوق يا ذوق

صقر خلب
هنيئاً لي حظورك
وتسلم ظلوعك ويسلم قلبك صقر

روعة نقلك زادت من روعة الكلمات

جرح بنت


يعطيك العافية


بشكل آخر ان شاء الله تعجبكم

شغل على السريع

جرح بنت
هلا عيوني
رائع الاختيار
ولو انها تشبه ضمة عزرائيل:D

لك أجمل تحية جرح بنت على هذا المنقول الرائع وهذا يدل على حسن الاختيار
منك لهذه الكلمات الرائعه وتقبلي شكري وتحياتي الخالصةاوكي:

ابن عبد ربه
يااااااااااااه على شكل القصيدة
رووووووووووووووووة والله
ياليت اعرف اسويها كذا ...!!
ومرورك بعد جناااان
يسلموووووووووو

الغلا
عسيرية
وربي ضحكة على على تشبيهك للضمة...
ربي يطول عمرك حبيبتي ويعطيك الصحة ياعسووولة
كلك ذوق ياغالية

تاغلاا
انا آسف...
ربي يسعدك
كلك ذوق ... وحظورك ذوق ... وكلماتك حلوة
يسلموووو

مصافحة أولى





كيف يمكن أن يكون الضم
وتكسيره للضلوع دواء ؟..

جرح بنت: اختيار رائع وموفق وان دل ذلك انما يدل على الذوق الرفيع / تحياتي الحارة: مرهف الاحساس

اقتباس:

---

المشاركة الأصلية كتبت بواسطة أبـوعـمــر

مصافحة أولى





كيف يمكن أن يكون الضم
وتكسيره للضلوع دواء ؟..

---

ابوعمر
الدواء هو حظورك هنا سيدي

بغض النظر عن جماااال أو إبداعاااات هذا الشاعر ..
أود معرفة العلاقة بين (زيد روما و عبد الكريم مهنا )
هل هو عربي و يحمل الجنسية الإيطالية أم العكس ؟!
أم أنه من شعراء المحشر مثلا؟!

ننتظر الإجابة بفااارغ اللهفة ,مع إبداعات جديدة للشاعر..


وشكرااا لك على هذااا النقل الرااائع جدااا

اختي جرح بنت
سلمت اناملك على نقلك الرائع لموضوع رائع من ناقل رائع




بكل الود والمحبة





رمز الوفا

اقتباس:

---

المشاركة الأصلية كتبت بواسطة مرهف الاحساس

جرح بنت: اختيار رائع وموفق وان دل ذلك انما يدل على الذوق الرفيع / تحياتي الحارة: مرهف الاحساس

---

مرهف
نعم سيدي
هو كذلك
وحظورك ترف
ما اسعدني به

جرح بنت طبتي وطاب كلمك

نقل رائع قصيده رائعه ببساطت مفرداتها لا عدمناك

قلب صارخ

سلامة ضلوعك