.
.
.
ياهل الطوال حبيت في أرضكم بنت
يوم الجمارك تستضيف الحدودي
قبل السعودي تفزعه روعة النت
سلمّ من الترويع أرض الجدودي
قبل الخشل والجابري حولها شفت
شبك ٍ بناه من الخلايق يهودي
أسوأ الصفات بين المخاليق لاصرت
خواف تدفع كل عمرك نقودي
مروانية كحلا إذا وصفتها قلت
ريم ٍ تضمه خافقات النفودي
مريتها في جيب ماجيت في إكسنت
يوم المنازل بين حلفى وعودي
يلعن أبو جدران بنيانها اسمنت
اللي حرمتنا واقفات ........
يانوح وينك وين ذكراك وين أنت
يوم الطوال تزهو بأرضه وعودي
يالماطري ماضن في عمرنا شنت
كم مرة ٍ واريت عني شرودي
يالظافري ولعتني أشرب الكنت
يوم الريال صرفه ثلاثة سعودي
عشرين مرت من زماني ولاخنت
ذاك الغزال اللي في طبعه شرودي
جيت الجمارك وأحسب ان الزمن ست
مدريت عنها طاف منها عقودي
جيت المكان اللي جمعني ولاخفت
بس للأسف حطوا عماير سدودي
سألت عنها وفي سؤالي تفننت
وين الذي في خاطرتها تجودي
قالوا الوليف اللي تعنيت له زرت
وسط الرمس مابين ضيق ٍ ودودي
هلت دموعي واستحريت ورجعت
أنعي الوليف وأنعي بقايا حدودي
من أجلها شعر ٍ كتبته لها نظمت
لعلها تبقى بيوتي شهودي
***********
بكل تأكيد ...لاجديد ...
هذا أنا ...
ابن الملكين // النغم المهاجر
جازان // محافظة الحُرّث // قرية البيضاء .
