وش اللي يتعب البنات...؟؟؟

لـ زيد روما ـاـاـا
للمدرسة الشعرية الراقية
لشاعر الإناث " عبدالكريم المهنا ـاـاـا

تدري وش اللي يتعب البنت يـ سعود...؟!=رجلٍ يخون اشواقها و المودة
إللي إلا احتاج الغلا صار نمرود=وإلى شبع مما عطاه إسترده
البنت ريحانة غلا ... ناعمة عود=تبي لها رجلٍ ورث طيب جده
رجلٍ فعولة كلها جود في جود=ما يلتفت للي كفوفه تمده ...!!
رجلٍ إلا جته الليالي بمنقود=يتكى لها ما بيح الوقت سده
مهوب خبلٍ ما رعى للهوى عهود=وادناة ما عارض طريقه يرده
ولاهوب لاعلة ... ولاهوب ملهود=ولا شكوك ... و كلٍ طارئٍ يحده
ما اشين من الرجال لا جاك بـ برود=وإن قال له ترف القدم شي صده
تبي لها براق طيبٍ له رعود=إن اجدبت يمطر على ريف خده
وإن نادته تكفى لقت عنده الفود=يشيل عزتها على قو زنده
كفه نفل ... وانفاس صدره لها عود=وظلاله الضافي بيدها تمده
البنت خد ... وقد ... ونواظرٍ سود=وريحة غلاً ... ياسعد من شم نده
البنت إلا ضحكت ثمرها لك ورود=يا سعد من يقطف نواوير وردة
واللي يهين البنت ناقص ... ومقرود=فرس غلا ... ماهي حمارة مكدة
وانا عشيري فيه زودٍ على زود=فديت خصره لـ نهصر ثم شده
مياسةٍ ما حازها زول مملود=تشكي هواي لقلبها ... والمخدة
وتمد لي من طارف الكرم عنقود=بكفٍ اذوب من الوله يوم اشده
وتصفى ليال العمر والعمر مطرود=واشرب غدير شفاه طيب و (مودة)
من يوم هاواني وانا فيه محسدود=والمشكلة مـ حدٍ يسد بـ مسده
ضافي جديله فوق الامتان مرجود=المسك يقطر من حوايف مكده
ورمانه الغضة غرض كل مكمود=يهتز غصن الشوق لاهز قده
يا ويل قلبي والعذارى لهن مود=فيهن من الإحساس مـ أحدٍ يعده
غضات جسم ولالهن بالبهى حدود=بحر المشاعر بين جزره ومده

منقووووووووووووووووووووول

جرح بنت
الله يجرح قلوبهم:d
قصيده حلوه ولمه اذكرها ماراح اتعب
مشكوره من قلبي

]

قصيدة رووووووعه وانت فعلا ذوووووق

وعساك على القوة وخيتي جرح بنت

[/align]

بوركت أختي الكريمة على هذه القصيده الرائعة
وإلى الامام ومزيداً من التألق

عبير الوادي
يارب ماتتعبين ابد ياعمري
ولا تحسين بآلام الحياة
فرحانة بوجودك وكلماتك الرقيقة فديت قلبك

جرح بنت
الله يعطيك العافيه على هذا الذوق الرفيع
قصيده ولا أحلى شكرا لك ولنقلك

صقر خلب
انت الاروع ياغلاي
ربي يسعدك

صراحه الكلام ما يوفيك حقك..... ولقصيدة ذوق وماحنابقدك وتسلم اياديك .... ولااروع ولا احلى والمفيد = مفيد

شكرا على نقلك هذه القصيدة

اقتباس:

---

المشاركة الأصلية كتبت بواسطة وضاح

بوركت أختي الكريمة على هذه القصيده الرائعة
وإلى الامام ومزيداً من التألق

---

يسلمووووووووووووووووو وضاااح
كلك ذوق

ابيات حلوة ورائعة
شكرا جرح بنت

نزف اخرلقصيده رائعه من روائع شاعرنا

المبدع جرح بنت الهبتي المشاعر بنقلك الطيب

قلب صارخ