السلام عليكم ورحمة الله وبركاته
لأحدن ما في هاذا المنتدى نقول الله يهديه ويهدينا ويهدي جميع المسلمين
اللهِ يانور السماوات=ومقسم الأرزاق باالعيش
وجهن فليحن له علامات=يعرف بها من نفضة الريش
الطايره تسقط مظلات=لا شفت جحرن به دنابيش
نقرا بها وردن وأيات=ونحل صعبات الخرابيش
ليته سكت نجم المجرات=ولاعاب شمسن باالعكاريش
كان إنتهينا لاعلاقات=قفله بغفله قفلة الشيش
نبتن بلا جذرن ككتكات=هشن على وقت المغابيش
يفنى مع فرق المقامات=ماله جذورن كاالمناقيش
وجيلن جديدن حلّ بسكات=طعمه حلو مثْل القراميش
وقت العزاوي والجنايات=ماهوْ كفو لمْناطح الجيش
حاذر على كثر المطبات=لاينقلب موترك باالطيش
اللي سكن عالي السراوات=مايرتجي بيت الدحابيش
واللي مضى باقي ومافات=تشهد لنا حمر الطرابيش
والعاقل اللي به مخفّات=واهل العمايم والدراويش
يبغى يسدد له حسابات=أكثر بمدحي راعي الخيش
خايف على كثر الإصابات=اللهِ من كثْر البخاشيش
الحب دوِّور له على الشات=تلقى مدوِّرة الخفافيش
والحرِّ يلقى له مسارات=والهينه تلقى لها فيش
