يابشر لحظه (بقلمي)

يابشر لحظه
يابشر لحظه ابي منكم ثواني
شي شفته في الزمن هذا خطير
ودام هذا الكون مابه كون ثاني
صدقوني يابشر مابه ضمير
كنت أناطفله صغيره في زماني
كان ماضي عشت به عقلي صغير
كنت بس ماضي وما أعرف مكاني
بس عرفته واختلف فيني كثــــــــــــــير
عزتي أكبر من أحلام وأماني
ودمعتي ماتنزل إلا للكبير
هو إله الكون كم مره عطاني
أتحسب وهو بما قلبي بصير
واثقه من نفسي وقدرة لساني
صامده وماهزني ريح وصفير
يكرهوني بس ماهزو كياني
ليه اسمع قول كذاب وحقير
دام ربي امتحني وابتلاني
عادي أصلا خل يصير إلي يصير
يكذبون ويحسبون إني أعاني
مادرو إن الكذب له حبل(ن)قصير
ليه ازعل؟دام ربي مانساني
ليه أيأس؟ والعسر بعده يسير
كيف أسمعهم؟ وربي قد كفاني
كيف أسمعهم؟ ولي رب(ن) كبير
بقلمي /سميه الصميلي
’’شموع بارده’’

رائع اختي سميه حرفك لا يمل ومسيقه جميلة جدا بارك الله فيك

استمري في الابداع فأنت موهبه عالية الاحساس ومتمكنه من ادائك


بتوفيق ان شاء الله

كلمات رائعه ومعبره استمررري اتمنى لك التوفيق

اخوي خالد معفا
واخوي عيسى الشريم تشرفت وسعدت بمروركم

ياسلام ياسلام رووعه لافض فوك