غلط افرض عليك احساس مهو موجود في ذاتك

اابي اعفيك من بكره مدام اليوم عنا غاب
........................... مدام الفرح مثل الحزن يسوي بعض دمعاتك


قبل لا ياخذك فكرك وتتعب بين ودا وجاب
........................... ابي اختار بعدي عنك مدام البعد رغباتـــك


امانينا وحكاوينا وقصه ما حملها كتاب
........................... تخيل كل هذا الحب تلاشى في تفاهــــاتـــــك


لعبت الدور في حبي ولكِ مني اشد الاعجاب
........................... عرفت اشلون توهمني وكنت اصدق ضحياتك


تحملني الغلط يومك عجزت تناقض الاسباب
........................... ضعيف النفس ما تقوى تواجه حتى غلطاتك؟!!!!


مـــعاناتك مــع نفســـك ولو يلبـــس عنـــك حجاب
........................... تأكد مــا أ حــــد غيــري يفهـــم معـــانــاتك


شعورك في الهوى زائف ولو تصرخ ترى كذاب
........................... قطار العمر يرحل بك ولا تعرف محطاتك


بكــيفــك عــيش ايامــك وجــرب كـل يوم احباب
........................... شبيهن لك ترى تلقى وتلقى فيه لذاتك


سقط تمثالك الثلجي محى بعضك وكلك ذاب
........................... معالم دنيتك ضاعت صعب تعويض ما فاتك


حكيت اكثر من اللازم نسيت ان السكوت عقاب
........................... غلط افرض عليك احساس مهو موجود في ذاتك


حبيب العمر لك شكري لنسيانك فتحت ابواب
........................... بلا ما احرجك اكثر تطمن رغبتك جاتك

اقتباس:

---

حكيت اكثر من اللازم نسيت ان السكوت عقاب
........................... غلط افرض عليك احساس مهو موجود في ذاتك


حبيب العمر لك شكري لنسيانك فتحت ابواب
........................... بلا ما احرجك اكثر تطمن رغبتك جاتك

---

يعطيك العافية على الاختيار

دمت بخيرwr

الله يعافيك وشكرا ع الرد

صح لسانك حبيبتي

راقت لي كثيرا

والله يعطيك الصحة والعافية

الله يعافيك حبيبتي

قصيدة روعه تسلمي جيزانية على الذائقه المميزة


wr

الله يسلمك من عذابه