ياصاحب النادي ولافيه تكليف=بعض اللعيبه زوّدت في حمقهاعلقها=مايعلق بها
لهْ بااللسان الريق من جوف تصريف=حصْنيتن سودا وزفره مرقها
يامعذرب الأنساب والحب والكيف=لي مخلبن صارم ويدّك أشقها
تخطي على العربان باالحقد والزيف=والشين جمهورك على الجهل فقها
إن كان بيجِينا من أشنابكم حيف=يازين باالأمواس من هو حلقها
أنهي عقوده نظّف البيت تنظيف=لحْيتْه لو تطْول خبيثن علقها
يبقى قليل العرف ما فيه تحسيف=ونفسه عن الشرهات ربي فلقها
ولك في بعاده ياطويل المشاريف=تشريفتن بيضا من الناس ذقها
تكسب رضا ربك ونعم المعاريف=والخايبه لو هيْ من النفس طِقها
إن كان في جيراننا سعي تهديف=سالب هدفنا والمخاسير سقها
ولا هوْ على فعله بتلقى الغطاريف=بعض الحوافر مايشرّف سبقها
لايعرفِ لهرجه ولا فيه تثقيف=ولاهو على الخيرات رجلها طلقها
ماغير يده للردى كا المخاطيف=والعين ترمي من غباته فشقها
