جر صبْعك=للقلم
إنتي أميره والغلا فيك طبعك=أدري بقلبك ياهوى الروح عطشان
من كثْر عطْشك ماروينا لزرعك=طبعك ومفتاحي سقى كل عطشان
لو كانت إجروحك عدد جر صُبْعك=جرحي يميل الكف لاجبتِ ميزان
ماتذكري في يوم صدِّك وردعك=زودن على جرحي ضربتي بنيشان
ماكان ظني تغدريني بصرعك=ودمعي على بعدك كما سيل خولان
تبقى على قسوة حنانك ووضعك=في بحْر تسعين اللقى دوم شفقان
ماني عدوّوك يحتمي القلب درعك=باقي وليفك يا هوى كلّ الأغصان
ولاهوْ كرم منّك تهادي بسجعك=شوفي هواها مانطق حب للأن
الخوف سبّبب في ضلوعك بصدعك=ولاّ أنا ضايع بدونك وهيمان
القول واضح ماعبثنا بشرعك =إنت الذي همّشت حبك باالألحان
غيرك ينادي واحسن القول بدعك=واهديت له من فايض الشوق قولان
سلّف يديني ناظرك لي وسمعك=مادام زين الهرج في قرم وحصان
لا عيّبوا فنجاله الأمس أودْعك=أنحر خيار النوق لا صار زعلان
هاذي عوايد واسئل اليوم ربعك=بيض العوايد نحتميها بذرعان
مادام تدري باالمشاعر تتبعك=إختم مراسيلك بخاتم سليمان
لاتجبريني شرح معروض سنعك=أحكي حكاية قصتي كان ماكان
إروي عروقي ياحياتي بنبعك=ماعاد فيني للعتب كثرة أحزان
أدري مكاني في دهاليز ضلعك=وتدري بحبك سارقن نوم الأجفان
