التداني هو التداني والجفا يعني جفا
لا تقولي موت احبك واعشقك وانته بعيد
ياتروح ولا تدور لا للحنان ولا للوفا
ياتجي ونعيش دنيا مابها غيرك سعيد
وإلا انا من قبل اعرفك ملني درب الحفا
كم هجير ن عشت قيضه وكم تفيت برغيد
ذاق قلبي في حياته من حياته ما كفا
وارتوى حتى تشبع من الوريد الى الوريد
عشت عقد من حياتي مايدفيني دفا
غير جدر وغير شبك وغير بابن من حديد
زلة بأول زماني حكمها الموت وكفا
تدرك اللي عشت فيها من مرارات الوعيد
بين صد الجاه واقفى وبين عيا ماعفا
عشت فوق اللي تعيشه الممالك والعبيد
وبين صحب ن من رداهم ماتحركهم أفا
صرت ذاك اللي قديمه في جديده لا جديد
اختلطت بناس تكرم وجتمعنا في هفا
لا تصك ولا تفك ولا تفاد ولا تفيد
وبعد عقد مر شرحه مخفين به ماخفا
انفتق جرح التلاقي وسال من دمه صديد
وانت جاي اليوم تشعل السراج اللي طفا
واتشرط للمحبه في زمن فيه البليد
صار في علمه يقارع إبن محمود مصطفى
ويقنعك إن التبخر اول اجزاء الجليد
وإن نبتون كان هالي وإن سعيك بالصفا
قبل ماتطوف وتصلي صح والمنسك اكيد
وهيه ياللي تحسب إنك بس وحدك مترفا
لايطبق فيك قول اللي لفو به من زبيد
