اصدق شعور تعيش به إنك تعيش بلا شعور
وضميرك اللي ينهرك عن الخيانه دمره
حسبي على هذا الزمن فيه الصراحه قول زور
وإن الوفي في ذا الزمن مافيه شخص يقدره
والطيبه اللي نعيشها ويل وأسى هم وثبور
صارت مثل ثوب ن قديم مافيه جيب وازرره
تبغى تعيش وتهتني أطعن وخن اجرح وبور
لا ترحم صغيرن ولا شايب كبير اتوقره
اضحك وضحك واغتنم كل المواقف والأمور
واجمع وجامع واجتمع وجمهر اللي تجمهره
تغد في هذا وذا وهذاك لك وجبة فطور
وحلي بكسرة صاحبك دامك رضيت اتكسره
في ظلمة اعقول البشر خلك عمى ماشاف نور
وخلك مهند عشقتك واشعل غواك وعمره
ولا صرت يحي سولك لميس واسقيها خمور
وكاس الرذيله والخنا مع كل عذرا دوره
تعيش قيصر دنيتك وتشيد بك كل البكور
وكم ثيب ن تشتاق لك في حلمها اللي تذيره
انزع مقاليد التقى يوم التقى صارت فجور
وشيك غدرك بأسمها موت المشاعر جيره
اقطف من زهور الزمن في سجتك كل الزهور
وعقلك وتفكيرك ترى غصبا عليك اتزمهره
هدم ترا اسوار الحيا ونط من سور لسور
وبكل زيف ودهجنه ابني بنااااك وسوره
وإن مرك إحساس الندم لا تأبه بهذا المرور
طبطب عليه وطمنه واضحك معاه ومرره
وإن قال وين القبيله اشر على ذيك القبور
وافرك عيونك باليدين حتى تبان محمره
وقوله ترا مبطي بكيت وبكيتني ياذا الغيور
ولدرب مجهول المصير اغري خطاه وغرره
