ياحبيبي نور عيني شوفني كلّي غرام=لا تجافيني تعاله مو كفايه العمر ضاع
لوقصيدي في جنابك ماقضى يمّك مرام=تحرق الدنيا حروفي لجل عينيك الوساع
نجمة الصبحِ تعالي وصّلي أحلى سلام=يمّ قرص الشمس عدي قبل لايطوى الشراع
علميها في غيابك عافت العين المنام=ضاق صدري من هدوئي وابتهالات الوداع
كان جرحي فيك غاير صوّبي كلّ السهام=خلّصي ثارك من اللي يرتجي وصلك بساع
لا تعاندني بصمتك كان في صمتك كلام=لو جروحي في كلامك إنزفيها يايراع
في حنانك تدري إني ماخذ بسجنك وسام=إزرعيني واحصديني وانثريني ألف صاع
وادفنيني ياحياتي واسكبي عذب الغمام=واحيّ قلبي في عذابك حبك الغالي مطاع
لا تراودك الهواجس في عيوني والملام=والحقيقه مثْل خوفك صار في قلبي صراع
كيف تدري باالمحبه وانّي كلّي لك مُدام=وانّ حبري لومنعته لاجررت الصوت ماع
زارت طيوفي منامك واللقى كان الوئام=ولا قلبي جا لقلبك واشترى حضنك وباع
باع نفسي من غباته خان دمي والعظام=مادرى بالحب قاتل لاجفى نبضه وناع
ولي بثاني يامليكة عرشنا بالعقل حام=بين تفكيكَ الخِطابه وانصهارات الدفاع
بسئلك بلقيس هلْ هيْ نكّرت عرش المُقام=هو صحيحن ماأشوفه صايرن كلي نزاع
فيهِ شيّن في لغاها من مجاراة النظام=ويمكن إنّه شوقي ليها هوْ سبايب هاالخداع
جاوبيني لا عدمتك عقلي من فكري صدام=إن بغيتي في سهوله وان بغيتي في قلاع
قلاع=قلعه أوحصن
ناع=مال للإنقضاض
