الرحّال(مناجاتي لرب العالمين)

ياخالق الشيطان والجن من نار=وياخالق الإنسان بانواع طينه
يامبدع الأكوان في طيِّ الأسرار=واسباب رزقي كلها في يدينه
سبحانك اللهمّ بعداد من زار=بيتك وراجي رحمتك في سنينه
والحمد يمّك ربنا سر وجهار=حكم القدر نرضاه زينه وشينه
شاب النظر يارب من جور الأبصار=والعمر ودّع حاجته في كنينه
ولا عادلي عزمن على طول الأسفار=شلّت رجولي من سوافي الغبينه
أقطع مسافاتي على الرمل والقار=واحيان بالإبحار كني سفينه
وفصل الشتا لاجا وعمّر بالأقطار=لي وكر باالماضي بقلبي حنينه
ما يقطع الرحّال في عقد الأدهار=طاحن أنا عقده بسير المكينه
نعزف على دنيا الفلس كلّ الأوتار=ننسى كتاب الرزق ماضي يقينه
يارب أنا في دعْوتك دايمن بار=جاوب دعايه دامها بي دفينه
وإن كان لي ذنبن كما دين الإعصار=رحماك ربي لا تعاقب بدينه
إغسل ذنوبي مثْل أرضك باالأمطار=وأقبل رجايه كل حينن بحينه

صح لسانك أستاذ

ويعطيك الصحة والعافية

بارك الله فيك اخي حرامي القلوب وجزاك الله خير

صح بدنك أختي نسايم وشاكر مرورك الكريم

ونعم بالله .. ابدعت اخي
الله يرضى على الجميع يارب
سلم حسك ونبض حرفك

الأخ خالد معافا شاكر مرورك العطر