ياعذابي من عذابك صار جرحي طرق بيت
مثل عود الند كني لا وطيت النار فحت
من جروحي شوف روحي جسم حي وقلب ميت
حتى حظي من رداته لا وقفت اشوي طحت
لو نسيتك ماذكرته وإن ذكرتك ما نسيت
جرحك اللي مثل ظلي وين جيت وين رحت
وإن مشيت سنين كني عن مكاني مامشيت
نفس دربي والخطاوي الف ميل ومابرحت
مثل نهر النيل ينزف جرح منه ما بريت
كل ما ضمدت جرحك ياعذابي انفتحت
الحياه ونبض قلبي وحبي ياللي لك عطيت
كنت صادق في شعوري جيت جد ومامزحت
ياخساره الخيانه منك والله ما هقيت
وياخساره بكل سهوله من رداتك انفضحت
ودي تلقى في هواهم شي عندي ما لقيت
ليت وإنك بالخيانه في لقاهم استرحت
واعلم إنك من حياتي بكل سهوله انتهيت
حبل هاتم في يديني جيت اشدك وانطرحت
صرت خاين رغم إني بالمحبه لك وفيت
خنت حبي يوم اصلا بالوفا لي ما سنحت
انتزعتك من جذورك من حياتي بك رميت
كنت صوره في خيالي جيت فجئه ومتسحت
لا تظن إنك بقلبي بعت مره واشتريت
الحبايب ناصحوني من غرامك وانتصحت
بالظروف وبالمقدر وحكم ربي قد رضيت
بس ليتك كفو نفسك قلت كلمه او شرحت
النصيب بعلم ربي غيب عنه ما دريت
والصراحه والله إني في رجولتك انجرحت
لا تقول إني حزينه اوعلى بعدك بكيت
يشهد الله يوم جاني علم بعدك به فرحت
انتهينا من حياتك ومن حياتي انتهيييييييييت
ولا تفكر تتصل بي كان تفهم لو سمحت
