الاجوديه
اي والله ان في هوى البنت هيمان
بنت الكرم والطيب بنت اجوديه
بنت غلاها قطع الفين شريان
والوقت ساعدها خليه خليه
الها الغلا مرسوم لاكنه مابان
ولا قلت ابوضح غلاها قويه
كل ماوصفته يلحق الوصف نقصان
كني وصفت الرنج بالددسنيه
عيون المها لبيييه ي ذيك الاعيان
يكفيني ان العين عين بدويه
كنها فناجيل قهوه عند ضيفان
لا لا بعد اكبر واوسع شويه
لاشفتها وانا مغمض ونعسان
تقوم الخلايا تلعب السامريه
وخدن يشعشع نوره بكل الاركان
ياحظ ابوها ماتلاحقه صرفيه
مايدفع الكهرب ولاهوب خسران
قد نورها يكفي بوسط الحويه
وخشمن طويل كنه السيف شامان
لا شافه العابر يدق التحيه
اطول قصير واقصر الطول سبحان
الي خلق هيئته واصبح كذيه
ومبسم صغير واحمر احمر وفتان
خاتم سليماني بجسم ادميه
ياليتني لقمه صغيره علشان
بشويش تاكلني وتكظم علييه
وصف الجنون ومايكفيه ديوان
واقوى بيوت الوصف فيها رديه
وانا بحبك الوصف مبدع وفنان
مثل الجنوبي لا حبك شاذليه
ماجد بن خرصان
