لا تبتعد ياهاجسي خلّك إقريب=هاالليل نبغاها حكم في نصايح
إبنتقتحم في ليل كنّه غرابيب=وانصبّ به أنوار عذب القرايح
إرقى مع شامه علو المراقيب=واذبح مع مرقاك خير الذبايح
شرد البيوت أبكارهن والرعابيب=اللي تسكّن عاذلي باالضرايح
يامن لفيت بشرق تبغى المعازيب=واخترت مقلاطن بعيني صفايح
بنعدها تخبيص من غير ترتيب=والجرح يبرى لو من الدم سايح
إسمع هداك الله خلّ اللاعيب=ولاّ أذوّب هاتفك باالشرايح
لاضاق صدرك من هبوب التراحيب=إعرف ببيتك للمطانيخ طايح
ولا جاك نهرن مصدره من شناخيب=لا تعتذر برداك جيّه ورايح
خذ لك نصيب الليث من دون تعيّب=ولا ترفع الهامه بحرف القبايح
خلّك كما قرناس لقفى من الجيب=هدّات جنحانه بزين اللوايح
وانصح خويك مادحن قذلة الشيب=حرفه ولو به زين كلّه وقايح
إمّا يكرّم لحية الذيب باالطيب =ولاّ يجنّب لا عدمنا المدايح
