ماجد بن خرصان ~ على ذاك الرصيف

على ذاك الرصيف




على ذاك الرصيف اللي جمعنا يوم كنا صغار
نصور للفرح صوره بها ننسى شقاوتنا
على ذاك الرصيف اللي ..لنا في موقعه تذكار
تسطرها حروف اقلام تَكتُب عن صفاوتنا
كذا مريت به ...من دون ماشعر ياعرب واختار
ولملم هاجس الذكرى . . ليالي قد تهاوتنا
وقفت ومندهش والدمع . . .بين الوجنتين انهار
تغني لي عصافير الغلا . . نغمة حلاوتنا
بغيت اخفي دموعً من سبايبها .. كتبت اشعار
ولكن الحدث في وقتها . . يغلب قساوتنا
وطيحة دمعتي . . . طيحة جبال طويق ي نكّار
مهي طيحة حصى..ياوقت مايذكر نقاوتنا
مشيت بدربنا اللي فيه ..ياما قد حكينا اسرار
ضجيج الحزن والدمعه مع ذكرى هداوتنا
تذكرت اللقاء الاول لنا . . . .في حزة الاسحار
يوم نسولف ايت حكي..نشغل به فضاوتنا
تذكرت القصيد اللي . . كتبته لك على الاسوار
وكتبت حروفنا تحته . . ووبل المزن غاواتنا
الا ياليتني ماسرت . . . .في ذاك الطريق المار
على شباك ذكرى . . . كل مامريت خاوتنا
والا يالتني ماعشت . . . في ذاك الزمن تذكار
لجل ماحزن من الواقع على ذكرى حلاوتنا



ماجد بن خرصان

صح لسانك

من اجمل ما قرأت

ابيات رائعة .. بوركت الجهود

صّح بدنك ياغالي