مدخل
والضبعه ماتت روحها=سود الليالي بحْرها
ومن شان نخفي بوحها=يبقى علينا جعْرها
المشكله ماهي حنين الكتابه=المشكله تقييمة العمي والعور
كم واحدن باالصيد قد شل دابه=رمّى على مجلسه من نظرته بور
أوصي أبو فيصل زعيم الذيابه=في مجلس التعليم يبقى لهم دور
يفتح معاهد لجل عمي الدْبَابه=من شان فك الحرف وسواقة الثور
ولاّ يكثّر متقنين الطبابه=اللي لهم في زرْعة العين دستور
اللي يلوم الجود في فك بابه=ماعاد له بين المطاليق دستور
ومن يجحد الصادق بيلقى ترابه=يملى عيونه لانطق حنْجره زور
لو قال ينفع في زكاتن نثابه=قلت التزكي من فطار الإبل جور
الله يعوّض خير أكله شرابه=وتعليم باالدنيا طلع عيب وقصور
ولاّ الأبو طيّب ولابه غرابه=ولاكلّ نجلن صاحبه اليوم مسرور
مخرج
لابد شمس إصحاحها=يظهر ويجبر صبرها
مادام كبح إجماحها=نورن يضوّي عبرها
