بالله ما اشتقتي لريحة نفسنا
ورقة تقاسم نسمة العشق والشوق
حد الخيال اللي يقولون قسنا
واللي حكوبه بين عاشق ومعشوق
جينا هنا وهناك لاشك رحنا
مدري جفا وإلا مقادير وتسوق
هنا ألتقينا وفي هنا عاد تهنا
شاخ الغلا يشكي تساويف معقوق
اللي كتمنا وصل هجران بحنا
واللي سترنا دهر في شهر مشقوق
استغفرالله وين بالارض سحنا
لا تحسب إنا ناس نستهوي البوق
لاشك غنينا بغلاتك ونحنا
واقول يصفى جو الأكدار ويروق
تهوى غلانا انته ونهواك احنا
يا ملهم الادراك والشم والذوق
فينا اشتعل وجد المشاعروفحنا
نرسم غلاتك بين الاحضان والموق
يالوعة الفرقا وذي الناس صحنا
الكل قلبه من لظى الحب محروق
نرجح بكفات الزمان ورجحنا
بعقول وقلوب ومطاليب وحقوق
مهما على متن الاماني سبحنا
كل ن على تقسيم الأرزاق مرزوق
مهما عدينا او عثرنا وطحنا
كل ن خلقه الله وله شخص مخلوق
ومهما تعادينا ومهما جنحنا
تبقى الحياه غروب يابنت وشروق
هذا بكل موت العوطف جرحنا
وهذا احتوانا بدون ميعاد موثوق
اللي عن ادياره وارضه نزحنا
واللي يتمنى قربنا وصل ويتوق
والمشكله اللي القلب لجله فتحنا
راح وتركنا دون ما انذار مسبوق
ياوقت هذا احنا إلي الان واحنا
نحلم ونتمنى من احلامنا انفوق
