و
أحبك يا بعد نبض الخفوق ورعشة الاهداب
أحبك والأمل يرسم على ثغر الفجر نوره
تجين بهمس يغريني حنينه ريحة الغيّاب
وأجيك بقلب مايرضى بغيرك بنت بلوره
تمنّع هالحكي يلبس على صمت الرحيل ثياب
وجاك يبوح من صمته ويرسم في المدى صوره
طغى جرح الجفا وأدمى خفوقٍ في هواكم ذاب
تولّع من صغر سنه وصارت وجهتك سوره
تمطّى وامتطى صهوة خيالٍ ممتليك إعجاب
وطاحت بالصدر بتلة ربيعٍ فاحت زهوره
وغنّى لك مداهيل الخفوق بريحة الاطياب
وجاك الصبح من وجه السنين يزيح ديجوره
لحسنك قامت اوراقي تغنيك الهوى غلاب
ومثلك لاعشق قلبٍ تغنّى القاف منثوره
قسم واللي جعل حبك بصدري اول الاحباب
لغيرك ماقرا حرفي نديم الهمس وشعوره
أحبك والهوى عذري وصمت العاشقين عتاب
أحبك والمطر ثغرك وروحي اليه مضموره
تعالي نعشق النجمه ونقفل من ورانا الباب
ونصعد للفرح سلّم ونبني للأمل دوره
تري حلم اللقا موعد وبالموعد تطير أسراب
دخيلك مدي من صدرك طريق العمر وجسوره
أبغفى في وطن صدرك وأبسدل للقا أهداب
تنام بحضنك الدافي ويعلن هالفجر نوره !!
،
