يااللي خلقت السما سقفن بلا عمْدن=رصّعتها باالثريا والمصابيحي
العين مجرى نهر والفكر في سهدن=والقلب روّح مع زين الملاويحي
من يوم قفى وانا عايش بها زهدن=مابين سجده وتسبيحة مسابيحي
ياليتني باالهوى من باح لي سدن=أسري ولا واحدن يعرف مفاتيحي
مدري علوم الذي ضخّه كما شهدن=ماعاد له ذبذبه تشغل مشاويحي
بعد المسافه سبب ولا لقى بردن=ولا تونس وخايف من مراويحي
بشكي سهيل اليمن للواحد َ الفردن=أغوى حمام الولع صوت المراجيحي
إتقول شعرك لمس قلبي على سعدن=وتخاف من حزنها أسكن مضاريحي
يابنت لولا الحيا هليتها سردن=واحرقت مما جرى حلو االمساريحي
لكن لساني مع الشدات لي عبدن=إمروضه دام باالحسبه مرابيحي
كم ليلتن نارها تشوي لها كبدن=وارتاع من خالقي واكتب تناصيحي
لو هي جروحك قليله عدّها عدن=مر الليالي وسكنها التشاليحي
وان كان من كثرها تسمع لها رعدن=أشغل بها هاجسي وانسى تجاريحي
البحر له غبتن والسرله عهدن=أما همومك لها قلبي طراريحي
