الليالي سهرها يتصف باالعذوبه=والعشاشيق تروى من روابي كفوفه
لو عيونك حلاها مثل شمس الغروبه=كل هاوي يلاقي باالهواجس حروفه
دورة الحب تمشي تنتهي في دروبه=والمدامع لقاها مثْل ضرب السيوفه
ويل من هوْ تولى حب واهم طبوبه=كل ليله تعدي بردها له صنوفه
ساكن القلب نادىوالمسامع طروبه=شال عنّه خماره واعلن الحب جوفه
ياهل الحب يامن غرسكم فيه دوبه=لي مع النخل ساقي راحته في شغوفه
كم بليله سمرنا والقمر مادروبه=كل حرفن كتبته يرتجي منه شوفه
يم قلب المولع أعزف اللحن صوبه=يرتجي بدر عالي كاملن في وصوفه
واعذابي من اللي صابني منْه حوبه=من تفاصيل قده والحلا في شفوفه
والنعومه بجسمه تشتكي لبس ثوبه=لو لباسه حريره تشتكيها عطوفه
له مع الغيد ساسن مابني باالكروبه=ليتني شال يسكن باالعنق والكتوفه
سيد الريم عذرن لو تباطيت نوبه=القدر شد حيله حاسني في ظروفه
