أل السعود(للشاعر إبن الذيب وماحصل له مؤخرا)

ياهاجسي خذلك مع الفكر مشوار=واقرا هموم الوقت لاجيت عاني
إقرا بعيني ماتلاعب بالأفكار=واحشد أساطيلك بكل المواني
قهرالرجل لا صار من ضمن الأقدار=فرِّق بحبرك مايغص المحاني
لي فرّتن باالسجن في بعض الأقطار=مما سمعته ضاع مني كياني
إمجمعين الرّخْم صيّادة الفار=في وكر حرّن مايقارن بثاني
سبّة خطايا فورة الدم لاثار=من غيرته سمّوه باالعرف جاني
شقّق جيوبه ولتفت يمّ الأبرار=والموت لاصدّك وسيع البطاني
حتى متى يجفوه حكّامة الدار=حتى متى ينصاه سلب الأماني
سلِّم على اللي ملكهم سيف ما جار=ولْهم مع الطلبات رفعة مكاني
كم واحدن زلات يدّينه إكبار=والخوف قد عمّه على الوجه باني
لكن مع الحكمه وبعدن باالأبصار=هدّوا عيال العود خوف المحاني
إن جا خطانا راح من ضمن الأضرار=وان جا رديفه أدبوه إبثواني
ما يعدمون الرجْل لو هاجسه بار=وعين الحسَد تكحل بزين الجناني
والجايزه صيتن على كلّ الأمصار=يفخر بهم طربان قاصي وداني
أل السعود إمجندلة كل مغوار=يشهد لهم تاريخ.خطَّ الزماني
والحاضر اللي ناشرينه باالأقمار=باالعلم واجهته ونورالمثاني
شمسن على زين المرابع والأقفار=لوإختلط باالناس حاسد وشاني
واختامها صلوا على خير الأخيار=أحمد نبي الله سر وعلاني