السلام عليكم ورحمة الله وبركاته
قصيده قديمه ولكن لم يسعفنيالحظ لنشرها الا في هذالوقت
ياولفي يااللي جابه الشوق موثوق=بحبال ودّن حبها اليوم طاشي
عجلن يطالب باالهوى صحن وطبوق=وباقي من إجروحه يداريه شاشي
يَعرِض على الشاشه شرايين واعروق=إعروق هجرن كل أبوها عطاشي
حبه عميقن زايد الشوق ببروق=وقلبي يدوّر فرحتي وانتعاشي
زود الدلع لاجا مع خصر ممشوق=هذا يسبب ربكتي وارتباشي
خلك بعيدن واطوي الحب برفوق=أخشى ينالك باالحكي كل لاشي
ويرن في راسي صدى نافخ البوق=ولا عاد تنفع شربة الصلح جاشي
العين تعمى والحمم تدفق إدفوق=ولاعاد فرقن ببرهه والنجاشي
ولاّ أنت قلبك مانعافه ومطروق=يحي عروق اللي من الظيم عاشي
حتى الهجر منْه الجفى حيل مسروق=يفهم حواره باالملاعيب ناشي
بعطيك مفتاحي وبعطيك الحقوق=من بعد قلبن هجره اليوم كاشي
يمكن مع كثر الندى جيت مصفوق=وخْطيت لي بابن.بعيني غباشي
في قت حزني جت دموعي مع الموق=خايلت ليلى والغمايم غشاشي
