ياوليفي طلبتك لا يطول الغياب
وحاجة في ضميرك صاحبي بدها
ويل منهو تلوع في المحبه وذاب
لين نفس التفاني بيحت سدها
فيك شب المولع وانتشابك وشاب
وإلا باقي السوالف فاتني عدها
بين كحل النواظر وانسجام الخضاب
فتنة مثل سطعه كانت بيدها
اللي راحت وقالت بكتمال النصاب
عدها اسنين بعدي بلهفتك عدها
روح العمر وانا بين ودا وجاب
رساله اللي قراها مهملن ردها
لاخذاها حبايب ولا خذاها اصحاب
وكن داخل كفوفه كمشته شدها
راح يرمي الموده وجهته اغتراب
بكل صد وتجافي قوته مدها
من زرعني محبه اجتثاني صواب
وحد نفسه ونفسي البلا حدها
في طريق التلاقي فيه حلم وسراب
وإني جدي وفكره غير عن جدها
قصة مبتداها ومنتهاها خراب
ضدي الحظ وادري حضها ضدها
ياوليفي من اول استبحته وطاب
ريحة الشوق ذكرك نسنس بندها
وسقت مالا لغيرك دونوبه خطاب
اتمنى السموحه واعرفك قدها
ربي يغفر لعبده كل ماخطا وتاب
وإن حلت لك حروفي اطمع بردها
قالو الناس يدله من تخلا وساب
وقلت والله ماقدر وخافقي عندها
