شوقن ترصع باالحكي والوساويس=أرخى سدوله يوم دمعي وصلها
وخيول حالي باالحنايا محابيس=والنار ترمي في حشايا عللها
وزوّد بناري باب كلّه ترابيس=وابكار فكرن لا عقل من عقلها
ياليل لاتفضح حلوم المتاعيس=خلْها مع الأفلاك تلقى محلها
من دون قيدن للهوى والمقاييس=ويّا أنعدام الجاذبيه سبلها
حتى تهلي مترفات الأحاسيس=بااللي علق وسط المشاعر دهلها
حبن كما عنتر وحبن كما قيس=مجنون ولا باالشجاعه حملها
أحبّها والنبض كنّه دبابيس=إليا إبعدت عني بدت في عملها
يااللي غلاك له ضلوعي متاريس=الشوق ينخر في ضلوعي وفلها
والشارده كنها جفولن من العيس=مره تجي وامرار يصعب سهلها
اللهِ يادنياالقلم والقراطيس=مهما نعوفك شوقنا ينتشلها
دامك على قلبي عيونك مفاريس=شوف الشعر والجسم صدك أكلها
حتى غدت تشبه هدوم المفاليس=اللي سنين الدهر بين خللها
غرست حبك باالحشى كاالمغاريس=والريح ماتقوى عليها تشلها
غالي ولا غيرك سكن باالتضاريس=وعقبك سياج الصد تحرس جبلها
