أرشيفيه من ذو خمسة أيام
تدري وش اللي يشعل البَحْر أمواج
تدري وش اللي يقطع الحب قيده
لا صرت غالي عند من عدك إحجاج
يفرح معك وان ضقت يرسل بريده
يجي ضنينك وانت له حيل محتاج
ومْن الميانه قام يطعنك كيده
يجبرك تهدم من محبته أبراج
وتصك بابك وانت محتاج ليده
خيب هقاوي وقفة الناس باحراج
قام يتكبر يحسب إنَّا عبيده
طاوع من العذال حاسد وهراج
يحْسب معانينا لحبه زهيده
ليته سكت ماقابل العذب بهْماج
يمكن مع الأيام يقرب بعيده
ولا تعذر قال حبك باالأدراج
قلبي لغيرك والحنايا سعيده
واللهِ لا أفرح له لو وإن كبدي بصاج
وتبقى المعزه باالسنين المديده
عزاه ياقلبن شكى الحب ماداج
أجبره خله في قطاعة وريده
