السلام عليكم ورحمة الله
معاية لكم الليلة قصة تحكي عن حياة الموظفين ..
زمان وما كانوا يعانوه من اجل ايجاد
لقمة العيش ..
عندما كان مجموعة من الموظفين يتجهزون للذهاب الى نجد ..
والا ذيك العجوز تدحش بولدها معاهم وهو ما يتعدى 14 سنة
لانها تبغاه يشتغل ويصرف عليهم بعد ما مات ابوه
بعد ما وصلوا نجد تلاقفوهم الناس وشلوا الرجال الاقوياء
الي معاه .. الي حمال والي في المزارع
و الي في تجارة
بقي هو قعد يتلخق ..
كل ما دور قالوا له انته ضعيف
جسمك ما يتحمل شغل
وقعد حوالي 10 ايام محد تشبح له
الا في ذاك القحم ينمره من بعيد
اجا سأله وعرف انه ماله احد
قال له / خلاص راح اشلك واشغلك معاي بدون مقابل
فقط مقابل اكلك ونومك عندي
وافق الولد مسكين لانه ما عنده خيار ثاني
و راح معاه ..
دخلوا البيت و قال له / شفت هذا الزير !!
تراه كله مليان ( سمن ) اشتريه رخيص
واعبيه في علب وارسله للحجاز
وابيعه هناك باغلى ..
ابغاك بس تنزف منه وتعبي في العلب
قام الولد يعبي يعبي .. لين وصل لنهاية الزير
قال له القحم / انا ما احب التبذير .. الا تطب في البير
وتطلع لي باقي السمن الي في قعر الزير
طب الولد وقعد يسحت الزير لين ما بقى ولا نقطة
بعد ما طلع .. قال له القحم ..
شوف كنك ماهو هذا تحت الزير ؟؟
قال الولد / هذا نش ( نمل ) ميت
قال القحم / مات من الجوع ما لقي ولانقطة سمن
طايحة على الارض
و ذحين تعال .. ابغى اسحت باقي السمن الي في جسمك
تراه ها يعبي علبه كاملة ..
والله قعد الولد وامقحم يسحت ال في جسمه حتى
مسع ديمه هههههه
بعد ما خلص .. قال له توكل هههههههههه
طبعا ما عطاه ولا ريال
الولد ما زعل او قال له عطني حقي
بالعكس استفاد من الدرس وتعلم كيف يشتري
السمن و يجمعه ويحافظ عليه
وبعدها اصبح الولد من اشهر تجار السمن في الوطن
العربي ..
وهذا كان حال الكثير من الموظفين زمان
يروح يتعلم ويتسبع ويشقى ..
وسلامتكم
