نيران الفراق

مـابين نــيـران الــفـراق ابْــحــناياي
جـر الـلحن بيـن الهجيني ومسحوب

واخــتـارت الـلي ســرجها بـه حلاياي
الــلـي مــعاها لـه مـع الــفن اسـلوب

تــغزي الــمـوارد كــلَها من ســواياي
والــشـارده تــقــبل على حبر موهوب

كــنْها مطر أنـعش مشاعر سراياي
زار الــجِـبل باالـخير والخير مصبوب

والســيل صــوتـه أسمـعه من قراياي
يسـكن عنى خوفه بشاصات وجيـوب

تــل الــصخر ويّا الحجـر من ذراياي
واقبل على الوادي تقِل مصنع الطوب

يــاالــلي على الفرقى تناجي مراياي
روّح عسى دربــك بــلــيّـاة مــكـروب

مــاني على المــقــفـي بجهّز مطاياي
ولاني مع الأحــزان بــاصير مشيوب

كــم واحــدٍ أجــزلـــت لـه من عطاياي
مــن يوم قــفـى صار ماهوْ بمطــلوب

بعــض المحبه تحتـسـب من خطايـاي
لاصار قلبـي من عنى الحب مصلوب

الخــوف مـن درب الهــوى من بلايـاي
ينهي الغرام اللي من القلب مشبــوب

مادام خــوفك يمــنــعـك مـن تحـاياي
لـيـه العيون الـلي اغْمزت ترجـع اتوب

تــصمـل علـى بعدك وتطـلـب منايـاي
وتزوغ مـن حــضنـي بلا علـم مجلوب

ماتــدري انّك مرتــكـــي في زواياي
بيــن الحنــايــا تنعم بعــطـر وطيوب

واليوم تقْــصــر عـن دروبـك هدايـاي
صــفــحه ونطويهـا مع حـبـر مكتوب

اللهْ يصَــبّرنــي بــصافـــي نــوايـاي
مابين صدقـي والوفى أصنـع الثـوب

صح لسانك اخي حرامي القلوب

قصيده جمله جدا ....

بارك الله فيك اخي احمد موفق ان شاء الله

صح بدنك ياولد الشعبي الجمال بحضورك