براكين وحيود

طبعا (كلود) هو كلود ديبوسي الفرنسي صاحب أشهر معزوفة
بيانو . ولست أدري ماالذي أتى به في القصيده 👌

اللــيل هوّد والســحــب كنّـها إغطى
لا بــدر ينصــفــنا ولا نـجم مــوجـود

والنـار من زود الغــضــب ماتــوطى
والــجوع يلهــمها علــى طلبة الزود

دوكِ ضلــوعـي زاد وان شيتِ قلطـه
نيــرانـك ابصدري لــو ألوانها سـود

لاهــي بتتعبــنـي ولا هــي بــورطى
نارٍ وطــبــت فــي براكــيــن وحــيود

ياكـل لهبهـا من أحاسيــس نشطى
والحكي من دون الأحاسيس جلمود

والقلـب مشكاتــه من النبـض أبطى
وقّــف ودمـي باالشراييــنـي ممـدود

من بَعْــد ماكانـــت بساتيـن مِعطـى
حتــى البجـع ويا البحيرات معقـود

طــايــر وكــنــه باالوتــر يــوم حطــه
قــام يتفنــن باللــحـن كنــه اكلــود

يجــذب حلى لحنــه بلابــل مع اقطى
هذا بصوته و القطـى خطــوه اردود

ويدي مع الهاجوس ماهي بشمطـى
إلا هـنــوفٍ تنــتــج أبكــارهــا فــود

تمشـي مع العشاق والرهْط غبطــى
كــم حاســدٍ نابــه إذاعــض مفقــود

مهره وهاجسهــا مع الجود ماخطـى
تقبل ولا تدبــر علــى صــوت بــارود