عرض للطباعة
حضر جمهور غفير مباراة النصر والطائي مساء الليله في ملعب الامير فيصل بن فهد يرحمه الله ومن زمان لم ارى جماهير النصر بهذه الكثافه ورغم نزول المشعل في الدقايق الاخيره الا انه قوبل بعاصفه من التشجيع وكان الجمهور طوال المباراه يهتف باسم المشعل .
من زمان لم نري جماهير النصر بهذه الروح والله واحد جالس جنبي يقول ( هارثي هارثي ) افتكرته واحد يتريق ولما شفته الا هو باكستاني مغرم بالنصر !! عقبال المربع الذهبي والكأس والي هذا الوقت الان الساعه 11 مساء ومازالت جماهير النصر تحتفل قريب من الملعب .
السر الدفين أشجع فيك حبك لفريقك
لكن وبكل صراحة خلال هذا العام اللاعبين في أغلب الأندية أصبح كل همهم اللعب اما للاتحاد أو للهلال ليش؟
فريق يعطي رواتب وصفقات خيالية وبعد الانتقال وش يصير؟
يلعب مباراة ثنتين ثلاث لو كثر وبعدها وثق من بقائه في النادي يستلم راتب وياخذ سيارة وفله وانتهى وش يفيدني
حتى إن اللاعب تلاقيه مايحب الفريق اللي هو فيه بس يبي ياخذ (زلط) راتب
وقرأت مقال أمس أو قبله في جريدة الوطن لاقتراح أحد الشخصيات أنه يجب أن يعطى اللاعبون على قدر عطائه
آآآآآآه لو يطبق هذا القرار راح نشوف لعب متميز جداً ومنتخب أفضل يقولوا دائماً المدرب المدرب
والمشكلة كلها من لاعبينا لابنية جسمانية ولالعب بتفكير ورغبة في الفوز ولانرى هذا إلا نادرا في المباراة ولو رأيناه لم يكن بالقدر المرتجى
أتركونا نتكلم بصراحة اللي شاف دورة أمم افريقيا
شفتوا أهم شئ عندهم البناء الجسمي الرياضي الكامل
بالله أحد من لاعبينا جسمه مثل لاعب من لاعبين مصر ؟
أنا أجاوب عبدالله الجمعان جسمه ممتاز لكن تنقصه اللياقة
ماأبي أطول بالكلام
انتوا فكروا وشوفوا الأندية الافريقية ليش لاعبينها يحترفوا في أوروبا لأنهم يلعبون برغبة
وبالرغم من أن مدربيهم محليين
أنا بسراحة حتى الدوري السعودي ومباراة المنتخب السعودي ماعاد يعجبني أتابعها لأني لو تابعتها ارتفع ضغطي ومليت منها