-
اشعار خالد الفيصل
السلام عليكم ورحمة الله وبركاته " تحيه لجميع الاْخوان في المنتدى" المختصر المفيد هذه اشعار لخالد الفيصل
"سريت"
سريت ليل الهوى لين انبلج نوره
امشي على الجدي وتسامرني القمرا
طعس وغدير وقمر ونجوم منثوره
انفاس نجد بها جرح الدهر يبرا
يا نجد الاحباب لك حدر القمر صوره
طفلة هلال وبنت اربع عشر بدرا
حبيبتي نجد عيني فيك معذوره
معشوقة القلب فيها للنظر سحرا
فضة شعاع القمر في نجد مسحوره
منشاف لمع قمر في خدة سمرا
"لو نسيت"
لو نسيت العمر ما انسى دمعتك
صرخة ذابت من عيونك دموع
ترتعش مرتاعة في وجنتك
وانتفض قلبي لها بين الضلوع
أزعجت صمت الليالي عبرتك
بالخفا ثوره وبالظاهر خشوع
تسكب الدمعه وتظمى نظرتك
مشهد النظرة وهي تظمى يروع
يا ضياع العمر ضيعة بسمتك
ضاع معها خافق مثلك جزوع
ليت من يمتص جارح لحظتك
والفرح يشعل دياجيرك شموع
"طال السفر" طال السفر ..
طال السفر
والمنتظر مل صبره
والشوق با محبوب في ناظري شاب
رد النظر
خليت بالكف جمره
سعيرها في داخل القلب شباب
عز الخبر
والمهتوي ضاق صدره
يا من يرد العلم عن هاك الأحباب
طيفه عبر
ما أرسل مع الطيف عذره
هو خاطره من لوعتي ما بعد طاب
هو ما ذكر
أن الجفا فيه كسره
للخافق اللي من هوى صاحبه ذاب
يا ما سهر
طرفي على حبس عبره
اردها والوجد للدمع جذاب
دمعٍ حدر
جاله على المنع جسره
عظيم وجدي للدمع شرع الباب
يوم وشهر
عزاه والعمر مره
والناس واجد لكن الولف غلاب
-
دايم السيف
أخي/ الشايش ..
الباين اتك شايش من صدق
:D :D :D :D :D :D
اختيارات تنم عن ذوق راقي
وأمير الشعر النبطي أبشرك طلع اسمه لفوق فوق فوق طلع مع ناسا تكريما له
وبصراحه يستاهل أكثر وأكثر
ونتتظر المزيد منك
-
هلا
الشايش
شكرا اختيارك الموفق
ياذوووووووق
-
[c][gl]
يا الشايش ما أروعك [/gl]
روائع الشاعر الأمير صاحب السمو الملكي خالد الفيصل ... أصبحت عالمية ..
ففيها الكلمة الراقية والحس المرهف ..
ياليل خبرني عن امر المعاناة ... هي من صميم الذات والا اجنبية
هي هاجس يسهر عيوني ولا بات .. أو ونة وسط الضماير خفية
ما أروعك يا أمير الشعر ...
ودمت يالشايش شايشا ..
[/c]
-
امير الشعر
مهما كتبت عن امير الشعر صاحب السمو الملكي الاميرخالد الفيصل فلن اوفيه حقه واشكرك ياخي الشايش على اختيارك الجميل............
والى مزيد من الشوشه ان شاء الله...........
-
انصحك تكبا مشوشه وتسمعلك لشريط لمحمد عبده اضن حسن للك غمضة: غمضة: غمضة: غمضة: غمضة:
