كلمه انطلقت من فم شخص جاهل كالرصاصه العمياء المحملة بالعصبية القبليه (( اصلحه الله)) استدعت هالبيتين
رغم مافيها من الكسر لاكن لكل كسر جبر المعذره فانا للمره الالف لست بالشاعر ولاكني اعشق الحرف
ماللرجل غير احترامه معا الناس= والهرج يلزم صاحبه بالبراهين
وكلاً من لسانه بيلبس له لباس= وحظرتك تلبس حقد قلبك من سنين
الصفر سبعه فيهم اللي كما الماس=له لمعةً تكتب سطور ودوواوين
وفيهم ردي النفس خاين وبلاس= طبع البشر فيهم سناد ورديين
ماكل من قال اسمعوا صار قرناس=الناس مفطورة على الطيب والدين
الهرج يحتاج لجنود وحراس= لاصار راعي الهرج دايخ وبه لين
الهرج ميزان الرجل وانت فراس=مااخبرك من ربع الرخوم المجانين
ماني بشاعر لاكن الوضع حساس=يفرظ علي اخط لك بعض هالزين
لاباس ياسيد الرجاجيل لاباس=لايجرفك هرجك وترسي على طين
بالله اعيذك من مداخيل وسواس=لايأخذك في رحلة الذل والشِين
ولايزعلك هرجي ترى الهرج نوماس=لاصار من خوك ومحبك ترى زين
علعلماً كتبته واحفظه وسط قرطـاس= الزيف ما لي به ولو كـان سطريـن
مترتب في مسمعي يقرع اجراس=لأجل اسمعه واعرف رديه من الزين
ادريس انا والصفر سبعه على الراس=تاج لبسته والفخر لي من سنين
ومن باع ربعه بشره بذل وافلاس=ماله عقب ربعه يميناً ولا عين
والخاتمة صلوا على سيد الناس=المصطفى الهادي شفيع المسلمين
وسلامتكم
